12.05.2023 күні Семей қаласындағы НЗМ-де п.ғ.к., профессор, Қажи Нұрсұлтанов атындағы 5-6 сынып оқушыларына арналған математика пәнінен V облыстық олимпиада өтті.

Олимпиада үш кезеңнен тұрды:

Бірінші (мектепішілік) кезең облысымыздың 150 мектебінде ұйымдастырылып, жалпы 1400-ден астам оқушы қатысты.

Екінші (аудандық/қалалық) кезеңі облысымыздың барлық 8 ауданында және Семей, Курчатов қалаларында өтті. Оған мектепішілік кезеңнен өткен 300-ге жуық оқушы қатысты. 

Үшінші (ақтық) кезеңге аудандар мен қалалардан және облыстық деңгейдегі лицейлерден (Абай атындағы ММГИ және Жас Ұлан) барлығы 93 оқушы қатысты. Ақтық кезең қорытындысы бойынша 26 оқушы жүлделі орындарға ие болды. Жеңімпаздар І, ІІ, ІІІ дәрежелі дипломдармен марапатталды, сонымен қатар, арнайы осы оқушыларға ұйымдастырылатын жазғы олимпиадаға дайындық курстарына шақырылды. Курс 05-09 маусым күндері (5 күн) 09:00 - 13:00  аралығында (барлығы 20 сағат) НЗМ ғимаратында өтеді (Семей қаласы, Қарағайлы к. 1). 

Ақтық кезең хаттамасы: ашу

Жазғы дайындық курстарына шақырылғандар тізімі: ашу

Тапсырмалары: ашу 

Фото: ашу